Bhram

Doobta hua suraj bhi ek dhun gunguna gaya,

Ek arzi laga gaya ek khwaab thama gaya,

Us khwaab ko apna liya par samjha nahi us khwaab ko,

Us khwaab ko parda kiya samjhe nahi alfaaz jo,

Aur chalte gaye sapne liye vo khwaab pura ho jaega,

Jo khwaab hai samjhe nahi vo khwaab kya pad paega….

 

Nikle to the ghar se keh kar ye khwaab hum sajaenge,

Samjhe nahi jo saat rang, vo ek aur rang kya laenge,

Vo saat rang ka rahasya hi ye raag hai ye aag hai,

Khwaab hai ye saat rang par hamari kuch aur hi ardaas hai,

Na khwaab apna tha kabhi na apni vo raag thi,

Kuch kar dikhane ke junoon me phir bhi kuch to baat thi,

Ke aaj bhi dekh kar har sham us khwaab ko muskurate hai hum,

Na khushi kuch hai na hai kuch gam hum jo jee rahe hai bas ek khoobsoorat bhram….